2024-жылдын 8-июлунда Кыргыз Республикасынын Жогорку сотунун төрагасынын орун басары Шералы Камчыбеков Нарын облустук сотунун төрагасы кызматына дайындалган Куралбек Амантаевич Абдыкадыровду Нарын облусунун активине тааныштырды.
Ш. Камчыбеков Нарын облустук сотунун жаңы төрагасын дайындоодо анын эмгек жолу жана топтогон тажрыйбасы эске алынгандыгын белгилеп өттү.
“Сот мыйзамдын талаптарын жана нормаларын так аткарышы жана сот адилеттигинин сапатын жогорулатууда тийиштүү чараларды көрүшү керек, ошондой эле, иштерди өз убагында кароо менен жарандардын сот системасына ишенимин бекемдөөcү зарыл” – деди Ш.Камчыбеков.
Андан тышкары, жергиликтүү актив менен тыгыз иштешүүнүн маанилүүлүгүн белгилеп, сот адилеттигин орнотуга багытталган жооптуу ишинде ийгиликтерди каалады.
Эске салсак, Куралбек Абдыкадыров Кыргыз Республикасынын Конституциясынын 95-беренесинин, Кыргыз Республикасынын “Кыргыз Республикасынын судьяларынын статусу жөнүндө” конституциялык Мыйзамынын 27-беренесинин жана Кыргыз Республикасынын “Кыргыз Республикасынын Жогорку соту жана жергиликтүү соттор жөнүндө” конституциялык Мыйзамынын 25-беренесине ылайык дайындалды.
