Ак-Талаа райондук сотунун кызматкерлеринин балдары Жогорку сот тарабынан өткөрүлгөн «Манастын руху-улуттук дем жана улуттук нарк» сынагына катышып, белектерге ээ болушту.
Булардын ичинен 8 жаштагы Тилекбекова Мадина адилеттик темасындагы мыкты сүрөтү үчүн Жогорку соттун сыйлыгына ээ болду.
Ошондой эле, Рысбекова Аэлина Манастын төрөлүшүн мыкты чагылдыргандыгы, Рысбекова Магдалена сынакка активдүү катышкандыгы жана кызыктуу сүрөт тарткандыгы үчүн Нарын облустук сотунун дипломлору менен сыйланышты.
Бөбөктөргө белектерди Ак-Талаа райондук сотунун төрагасы Эрмек Раимкулов тапшырды.
Белгилей кетсек, сүрөт сынактын облустук туруна жигердүү катышкан балдарга ар кандай номинациялар боюнча дипломдор жана белектер тапшырылган.
