Аталган райондук сот Ат-Башы айылындагы М.Өмүракунов көчөсү, 81 дарегинде жайгашкан.

Бул имаратта мурда Нарын сбербанкынын филиалы орун алган. Сот мекемесине имарат Ат-Башы райондук мамлекеттик администрациясынын 1994-жылдын 19-сентябрындагы №426-б буйругунун негизинде берилген.

Аталган соттун тарыхы жөнүндө кеп кылсак:

1930-жылы Кыргыз АССРинин Ат-Башы району түзүлүп, ушул эле жылы Ат-Башы районунун эл соту уюшулган.

1930-1938-жылдары Кыргыз АССРинин Ат-Башы эл соту;

1938-1939-жылдары Кыргыз АССРи, Тянь-Шань округунун Ат-Башы эл соту;

1939-1962-жылдары Кыргыз ССРи, Тянь-Шань облусу, Ат-Башы эл соту;

1962-1970-жылдары Кыргыз ССРи, Ат-Башы району, Ат-Башы эл соту;

1970-1988-жылдары Кыргыз ССРи, Нарын облусу, Ат-Башы району, Ат-Башы райондук соту;

1988-1990-жылдары Ысык-Көл облусунун Ат-Башы райондук соту;

1990-жылдан Нарын облусунун Ат-Башы райондук соту аталыштарына ээ болгон.

Ат-Башы райондук сотун жетектегендер кимдер?

1973-жылдары Байбосунов Жумакадыр Байбосунович;

1979-жылдары Өмүралиев Султан Өмүралиевич;

1982-1987-жылдары Шерматов Касый Шерматович;

1988-1990-жылдары Шерматов Мырзамамат Ташиевич;

1990-1991-жылдары Абылбеков Жумадил Абылбекович;

1992-1999-жылдары Тентимишов Давлетбек Тентимишович;

1999-2010-жылдары Өмүралиев Замирбек Кашкариевич;

2010-2016-жылдары Рахматов Токтобек Өмүралиевич;

2016-2020-жылдары Киналиева Жыпаркүл Баизрахмановна;

2020-жылдын февраль айынан июль айына чейин Бердыбаев Бакбуркан Асанканович;

2020-жылдын июль айынан 2022-жылдын май айына чейин Абжалбек кызы Зарина;

2022-жылдын май айынан 2023-жылдын ноябрь айына чейин Абдисаматов Гайратбек Абдиладыевич Ат-Башы райондук сотун жетектешкен.

Эмгек жамааты

Ат-Башы райондук сотун 2023-жылдын ноябрь айынан бүгүнкү күнгө чейин Шерипов Улан Турганбекович жетектейт.

Райондук соттун эмгек жамааты аймактагы сот адилеттүүлүгүн ишке ашырууга бардык күч-аракеттерин жумшап келишүүдө.

Жалпы сот аппаратында ондон ашуун кызматкерлер иштешет.

Жогоруда белгилегендей, жамааттын үзүрлүү ишинин натыйжасында 2024-жылдын жыйынтыгы менен Кыргыз Республикасынын Жогорку соту тарабынан түзүлгөн атайын комиссия тарабынан «Жылдын мыкты райондук соту» номинациясы боюнча Ат-Башы райондук соту жеңүүчү катары аныкталган.

Ошондой эле, райондук соттун судьясы Гайратбек Абдисаматов – “Жылдын мыкты судьясы” деп таанылган.

Аталган имаратта Сот аткаруучулар кызмат бөлүмү жана Сот приставдар бөлүмү жайгашып, кызматкерлер өздөрүнө жүктөлгөн милдеттерди татыктуу аткарып келишүүдө.

Эмгек жамаатынын ишине албан-албан ийгиликтерди каалайбыз! Сыйлыгыңыздар куттуу болсун!