Ат-Башы райондук сотунун кызматкерлери катышкан «Манас таануу» боюнча иш-чара Ат Башы райондук Б. Кыдыкова атындагы китепканада өткөрүлдү.
Судьялар жана сот аппаратынын кызматкерлери аталган китепкананын «Манас» эпосуна жана манасчыларга арналган китеп көргөзмөсү менен таанышышты.
Ошондой эле, Ат-Башы айылындагы К. Мамбеталиев атындагы орто мектебинин 9-классынын окуучусу, «Манас» үчилтигин жайылтууга байланыштуу өткөрүлгөн бир нече сынактардын жеңүүчүсү Омар Мирланов катышуучуларга «Манас» эпосунан үзүндү айтып берди.
Эске салсак, Президенттин “Улуттук дем – дүйнөлүк бийиктик” уңгужолу жөнүндө” Жарлыгын жайылтуу максатында Кыргыз Республикасынын Жогорку соту тарабынан бекитилген иш-планга ылайык, Нарын облустук сот тутумундагы бардык сот мекемелеринде «Манас» угуу декадасы өткөрүлүүдө.
Нарын облустук сотунун басма сөз кызматы.
