26–27-сентябрда Чолпон-Ата шаарында «Экологиялык сот адилеттиги: учурдагы жана келечектеги актуалдуу маселелер» аттуу Судьялардын улуттук форуму өттү.
Жогорку Соттун төрагасы Медербек Сатыев: «Экологиялык адилеттик – бул эң оболу адамдын фундаменталдык укуктарын коргоо маселеси»– деп белгиледи.
БУУнун Өнүктүрүү Программасынын Кыргызстандагы туруктуу өкүлү Александра Соловьева: «Кыргыз Республикасы экологиялык адилеттүүлүктү бекемдөөдө туруктуу өсүштү көрсөтүүдө.
Жогорку Соттун Пленумунун Токтомун кабылалуу экологиялык мыйзамдардын бирдей колдонулушун камсыз кылууда маанилүү кадам болду» – деп билдирди.
Судьялар ассоциациясынын төрагасы Алмазбек Кудайбергенов: «Биздин форум – бул жөн гана тажрыйба алмашуу эмес, келечектеги чечимдер үчүн негиз түзүү» – деп белгиледи.
Форумдун жыйынтыгында соттук практиканы өркүндөтүү, эл аралык стандарттарды улуттук мыйзамдарга интеграциялоо жана укуктук инфраструктураны өнүктүрүү боюнча сунуштар кабыл алынды.
