Нарын облустук сотунун төрагасы Куралбек Абдыкадыров сот аппаратынын кызматкерлерине сот ишмердүүлүгүндө коррупцияга аралашууга жол берилбей тургандыгын айтып, коррупцияны алдын алуу жана ага каршы чаралар жөнүндө эскертти.

Ошондой эле, төрага сотко келген тараптарга сылык, маданияттуу мамиле кылуу маанилүү экендигин белгиледи.

Белгилей кетсек, Кыргыз Республикасында коррупцияга каршы күрөшүү артыкчылыктуу багыттардын бири болуп саналат.

Өлкөнүн сот системасында мыйзамдуулуктун жана адилеттүүлүктүн негиздерин чыңдоо, жарандардын ишенимине доо келтирген бардык көрүнүштөрдү жоюу максатында ийгиликтүү кадамдар жасалууда.